المسلسلات الخليجية .. واستهزاء بعقول ابناء الخليج

تحية طيبة وبعد ,,,>> مسوي مذيع

حبيت انقل لكم الصورة اللي في بالي ومضايقتني ... ياليت تقبلوها ،،،

لما يجي يقولون لك (( مسلسل خليجي )) على طوووووووول يجي على بالك

7
7
7
7
7
7
7
7
7
7
7

بكاء .. ضرب .. صراخ مبالغ فيه .. اقسام العناية المشدده في المستشفيات .. الجلطات بأنواعها ..

الشلل النصفي (( هذا اكثر شي مستخدم ))

زوجه خاينه ..او بنت خاينه .. موسيقى حزينه وطويله تخذ اكثر من دقيقه بين كل لقطه ولقطه علشان الوقت ..

ولد مدمن مخدرات اوفتاة مدمنه .. زوج يخون زوجته .. او زوج يضرب زوجتة كل يوم

زوجة اب جباره .. ام تكره عيال زوجها من زوجته الثانيه بعدين تحبهم (( نهايه مكرره في اكثر من مسلسل ))

القادم الجديد للفت الانتباه وتجميل .. (( وتغطية السقطات الكبيره من هذا كله )) وهو الرقص

غير قلة الأدب في اللبس .. وبعض التلميحات للأباحية والشذوذ ..
:::::::::::::::::::::::::::::::::::::::::::::

هذي هي المسلسلات الخليجية .. اشدنا بعيال المنصور في البداية

واشدنا بفجر السعيد كذلك .. وقلنا يمكن حياة الفهد

لكن مع استمرارية الاعمال اصبح هناك تكرار ممل ..

وسيناريوهات متشابه في اكثر من مسلسل ..

بعد هذولا كلهم اطلت لنا الداهية زينب العسكري (( نادية الجندي بتاعت الخليج )) لتواصل نفس المسيره الممله

تألف وتاخذ دور البطوله .. (( هذا اذا تألف صدق .. لان مسلسل عذاري عملية نصب صارت فيه ومو اللي الفته ))

مسلسلاتها نسخ لزق .. اللهم يتغير الممثلين .. وهي طبعاً لا استحاله ماتكون في الصوره

اصبحت كل ماتفتح قناة خليجيه تلقى مسلسل فيه زينب ..

قبل يومين من الطفش حطيت على ام بي سي ون الا والصراخ والعويل .. زينب ..

قبلها هبه الدري صراخ وعويل وانها صارت مريضه نفسيه وبالمستشفى

الثاني مدري وش اسمه شلل نصفي وعلى الكرسي المتحرك.

(( اكثر مشهد تكرر هو الشلل النصفي والعناية المركزه .. في جميع المسلسلات الخليجيه ))

لا بس علشان زينب تسوي لمسلسلها سوق ..

مو معقول مايكون فيه رقص .. بعد دروب الشك ورقص زينب .. استحلت الشغله

قالت لازم اجيب كم بنت يرقصون بمسلسلي ..

غير مسلسل الامبراطور اللي فيه من قلة الادب والايحاءات بفعل الفاحشه في الممثلات

اللي يستحي الواحد يوريها لأهله

غير طويل العمر .. (( حسن عسيري .. وأسوار )) >> قال نعال مشاكل البيت الخليجي ؟؟؟
::::::::::::::::::::::::::::::::::::::::::::::::::

والله ياناس شي يرفع الضغط ..

ربي راحمني اني احب الكوره .. وما اهتم في المسلسلات كثير ..

وان طفشت الله يخلي الافلام الاجنبيه ..
::::::::::::::::::::::::::::::::::::::::::::::::::

ابي رايكم شباب وبنات .. هل تستحق هذه المسلسلات المتابعة ..

وهل عندك استعداد انك تجلس مع امك وابوك وتشوف مثل هاللقطات والكلام البذيء

هل تريد ان ابنائك يشاهدون مثل هالاشياء ..

هل هذي فقط صورة المجتمع الخليجي ..

هل نساء الخليج يحاولون البحث عن الحرية لدرجة انهن يلجئون للرذيله في سبيل

الحصول على وهم اسمه الحرية ..
::::::::::::::::::::::::::::::::::::::::::::::::::

آآآسف على الأطاااااااالة .. دمتم بود

omaaaaa